Туртбурчак рамкага олинсин. Лаб бўёғи ҳар бир аёлга оро бериш учун керакли бўлган пардоз воситасидир. Лаб бўёғи рангини тўғри танлашда асқотувчи бир нечта қоидалар мавжуд. Агар сиз қорачадан келган (буғдойранг) бўлсангиз, у ҳолда жигарранг, қизил, шоколад ранг ва очиқ ранглардаги лаб бўёқларини харид қилишингиз мумкин. Энг асосийси, шуни унутмангки, лаб бўёғи ҳамиша тери рангидан бир тон баланд рангда танланади. Оппоқ тери соҳибаларига эса очиқ ранглардаги, мисол учун оч пушти, оч қизил, оч малларангдаги лаб бўёқлари жуда ярашади. Айтганча, кечки пайт пардоз-андоз қилишга тўғри келса тўқ ранглардаги, кундузги макияж учун эса очиқ ранг лаб бўёқларидан фойдаланиш лозим. Лабингиздаги бўёқ жозибали кўриниши учун устидан «блеск» (лаб бўёғи устидан ишлатиладиган махсус суюқлик) суртишни унутманг. Савдо дўконларидан лаб бўёғини харид қилаётганингизда, унинг сизга мос келиш-келмаслигини ёруғроқ жойга бориб текшириб кўришингизни маслаҳат берамиз.